Hold My Hand ~

Урам хайрла!

Ойрд блог руугаа ч орох завгүй... ажил, амьдрал, элдэв хүмүүс, харилцаа, холбоо, ийш тийш гүйх гэх мэт. Өөрөөсөө илүүтэйгээр бусдыг бодсоор явтал гэнэт би гэдэг хүн урамгүй унтрах шахсан амьтан сэтгэл дотроо мөлхөх шиг, бүдрэх шиг... тэгжээ явж байтал нэг өдөр гэнэт FM-ээр Т. Очирхүү гуайн "Урам хайрла" гэсэн шүлэг уншиж байхым. Сонсоод надад бас урам хайрлаач гээд чангахан хашгирмаар боллоо.

Доорх шүлгийг эрхэм блогчин Арсунаас хуулбарлан орууллаа.

Урам хайрла

Хүмүүсээ бие биедээ урам хайрла
Хүсэл зориг бадраах халуун дулаан үг хайрла
Анх хөлд орж яваа алдрай жаахан хүүд
Алхаарай алхаарай гэж дэм хайрла
Эрдэнийн үсэг хэлхэж суугаа сургуулийн жаахан охинд
Эрдэмтэй хүн болноо гэж урам хайрла
Анхны цалингаа аваад баярлаж байгаа хөвгүүнд
Аавын хүү эр хүн болж гэж шан хайрла
Амьдралд нэг эндээд гэмшиж суугаа хүнд
Ахиад алдахгүй ээ хө гэнэдэж гэж өршөөл хайрла
Өдий жил ч хол байна даа гэж хүлээж суугаа амрагт
Өө юухан байхав гэж итгэл хайрла
Өндөр нас дарлаа гэж гунисхийж суугаа бууралд
Өвөө та ануухан байна гэж урам хайрла
Хүмүүсээ бие биедээ урам хайрла
Хүч тэнхэл өгөх бүлээн дулаан сэтгэл хайрла

........

Хүмүүсээ бие биедээ урам хайрла
Хүмүүсээ надад бас урам хайрлаач

.........................

Sunday Plaza's coffee shop is BAD!

Хүн хүлээх нэрийдлээр Sunday Plazaд 1 цаг орчим зүгээр суужаахаар ганц кофе аваад, ном уншаад суужээе гэсэн.

Найруулдаг кофе (200 төг) 350төг гэнээ. -Өө, зааз. Тэгсэнд орвол өөр кофе ууна аа гэх шүү юм бодоод кофе шоп руу очлоо. Орлоо. Суулаа. Зааланд цаах нь нэг аятайхан хувцасласан залуу хумсаа авжийн. -Хаах, энд хумсаа аваад байхдаа яахав дээ. газраа олж дээ. Үйлчлэгч нь хаачсым болоо.

-Зөөгч нь байгаам бол уу?
Нөгөө хумсчин залуу
-Би байна. гээд босоод лангууныхаа араар хумсаа авангаа орлоо.
-Миню нь байна уу?
Залуу хумсаа авангаа
-Наана чинь байна.

Дургүй хүрлээ. Энд хумсаатай кофе уухкуу ээ гэж бодоод гарлаа. Үүднийх нь заалан дахь сандалд суугаад, цүнхнээсээ үзэмтэй самар, номоо гаргаад тухлаад суув.

Намайг бүтэн цаг суухад тэднийд нэг ч хүн орсонгүй. -Үйлчилгээний соёлгүй, бүдүүлэг гоё харагдахаас хэтэрэхгүй үйлчлэгч нар их олон байхым. Гэвч тийм бүдүүлэг байгаагаа мэдрэх ч үгүй байгаа нь харамсалтай юм.

Эмээ маань ганцаараа шахуу амьдардагын. Тэгсэн охин маань эмээдээ ийн зөвлөлгөө өгч байхым.

~Эмээ та ганцаараа байж байхаар өвөө өргөөд авчихаач!

Хоёр модны яриа

Чамайг хайрлах учир нь чиний гоо үзэсгэлэнгээс болоогүй
Чиний хажууд байхдаа би сайхан болж харагддаг

Чамд би хэрэгтэй байдаг учир нь
Миний хажууд чи гоо үзэсгэлэнтэй болдог учир тийм билээ.

Ойрд гэрлийн хурдаар амьдрал маань гялс гэж өнгөрөөд байх шиг тун зав муутай. Заримдаа бараг "би чинь хэдэн онд, хаана амьдраад байгаа билээ" гэж асуумаар шахуу.

Бас хажууд нь ном уншаастай. Олон сайхан номнууд шинээр хэвлэгдсэн байсныг мэдкүү л яваад байсан байна.

Эхийн хэвлий дэх baby-н бодол

Охин маань сургууль явах замдаа ам хуурай явна үгүй шд.

Охин аавдаа: "Би ээжийнхээ гэдсэнд байхдаа Монголчууд хэр зэрэг цэвэрхэн амьдардын болоо гэж бодсон чинь хогоо хаяал, онцгүй байсан."